Ministri izraelit i Mbrojtjes, Israel Katz, deklaroi të martën se Izraeli do të “përgjigjet me forcë” ndaj asaj që ai e quajti “shkelje e plotë” e armëpushimit nga ana e Iranit, marrëveshje kjo e shpallur më herët nga Presidenti amerikan Donald Trump.

“Kam udhëzuar Forcat Mbrojtëse të Izraelit (IDF), në koordinim me Kryeministrin, që të vazhdojnë operacionin intensiv për të goditur Teheranin dhe për të penguar objektivat e regjimit iranian dhe infrastrukturën e tij terroriste,” deklaroi Katz.

Një zyrtar i IDF-së tha për CNN se ushtria izraelite ka kapur dy raketa të lëshuara nga Irani në drejtim të Izraelit, duke shtuar tensionet vetëm pak orë pas hyrjes në fuqi të armëpushimit.

Ushtria izraelite njoftoi më herët të martën se armëpushimi me Iranin kishte hyrë në fuqi në orët e mëngjesit.

LEXO EDHE:

Izraeli identifikon “breshëri raketash” që vijnë nga Irani

Trump shpall armëpushimin midis Izraelit dhe Iranit